v  ការកំណត់​ន័យអាករលើតម្លៃ​បន្ថែម

§  ទំនិញ(Goods) សំដៅដល់ទ្រព្យរូបី ក្រៅពីដីធ្លី និងប្រាក់កាស

§  សេវា (Service) សំដៅដល់ការផ្ដល់អ្វីមួយដែលមានតម្លៃក្រៅពីទំនិញ ដីធ្លី និងប្រាក់កាស​

§  ការផ្គត់ផ្គង់ទំនិញ (Supply of Goods) សំដៅដល់ការផ្ទេរសិទ្ធិប្រើប្រាស់ ឬសិទ្ធិចាត់ចែងក្នុង​ឋានៈជាម្ចាស់កម្មសិទ្ធិទំនិញ ទោះបីមានសំណង ឬគ្មានសំណងក្ដី។ ការផ្គត់ផ្គង់​សេវាបន្ទាប់បន្សំដែលទាក់ទិននឹងការផ្គត់ផ្គង់ទំនិញ ត្រូវចាត់ទុកដូចជាការផ្គត់​ផ្គង់​ទំ​និ​ញ​។

§  ការផ្គត់សេវា(Supply of Service) សំដៅដល់​ការផ្គត់ផ្គង់ដែលមិនមែនជាការផ្គត់ផ្គង់ទំនិញ ដីធ្លី​ ឬប្រាក់កាសដែលធ្វើឡើងដើម្បី​បាន​ទទួលសំណង​អ្វីមួយ។​ ការផ្គត់ផ្គង់ទំនិញបន្ទាប់បន្សំដែលទាក់ទិននឹងការផ្គត់ផ្គង់ សេវា ត្រូវចាត់ទុកដូចជាការផ្គត់ផ្គង់សេវា។

§  បុគ្គល (Person) សំដៅដល់បុគ្គល​ ឬក្រុមហ៊ុនដែលធ្វើអាជីវកម្ម ហើយនិងបុគ្គលណាមួយទៀតដែលទាក់​ទិនជាមួយបុគ្គលនោះ។

§  បុគ្គលជាប់ទាក់ទិន (Related Person) គឺសំដៅទៅលើ៖

Ø  បុគ្គលណាមួយដែលមានកម្ម​សិទ្ធិ​ចាប់ពី​ ២០% ឡើងទៅលើតម្លៃ ឬសិទ្ធិបោះឆ្នោតនៃភាគកម្មនៅក្នុ​ងដើ​មទុន​ផ្ទាល់​នៃបុគ្គល​គិតជាតម្លៃ​

Ø  មានការគ្រប់គ្រង​រួម​គ្នា​ ឬមាន​នាយករួម​គ្នា​ជាមួយបុគ្គលនោះ​

Ø  ជាសមាជិក​គ្រួសារ ឬជា​សហព័ទ្ធ ឬជាសមាជិកក្រុមគ្រួសារនៃសហព័ទ្ធរបស់បុគ្គលនោះ

Ø  បានទិញចាប់​ពី ៣០% ឡើងទៅនៃធាតុចេញ​សរុបរបស់បុគ្គលនោះក្នុងរយៈពេលបីខែបន្ដបន្ទាប់​

§  ផលរបរជាប់ពន្ធ (Taxable Income) សំដៅដល់ផលរបរមិនរាប់បញ្ចូល​អតបដែលទទួលបានពីការផ្គត់ផ្គង់ជាប់អាករនៃទំនិញ​ និងសេវាកម្ម​ ឬកិច្ច​សន្យាជាមួយ​រដ្ឋាភិបាល​។