Project Management

Project Management

1.    សារៈសំខាន់នៃការបង្កើតរចនាសម្ព័ន្ធបំបែកការងារ (WBS)

-        បញ្ចប់ទំហំគម្រោង ដោយសារគ្មានការងារណាមួយត្រូវបានគេសរសេរនៅក្នុង WBSស្ថិតនៅខាងក្រៅនៃទំហំគម្រោង

-        ឆ្លើយតបផែនការគម្រោង

-        សង្ខេបវិភាគគម្រោង

-        ភ្ជាប់លទ្ធផលរំពឹងទុកទៅនិងធនធានរបស់ក្រុមហ៊ុនដែលមានស្រាប់

-        ធ្វើការប៉ាន់ស្មានលើពេលវេលានិងថវិកាឲ្យបានត្រឹមត្រូវ

-        មានទំនួលខុសត្រូវការងារច្បាស់លាស់ដល់សមាជិកក្រុមជាក់លាក់

-        ត្រួតពិនិត្យការតាមដានលើលការរីកចម្រើនរបស់គម្រោងដោយសារតែលទ្ធផលរំពឹងទុកនីមួយៗ គឺជារបស់អង្គភាពដែលអាចវាស់វែងបាន

-        តាមដានពេលវេលាថវិកានិងការអនុវត្ត

-        បង្កើតគំនិតដែលគាំទ្រស្ថានភាព

2.    អត្ថប្រយោជន៍កម្រិតនៃដ្យាក្រាមនៃរចនាសម្ព័ន្ធបំបែកការងារ

-        ក្រុមគម្រោងបង្កើតទំនុកចិត្តនៅក្នុងគោលដៅរបស់គេ

-        ទទួលបាននូវការងារដែលអ្នកអាចកំណត់គម្រោងដោយឡែកពីអង្គភាពដែលទាក់ទងប្រព័ន្ធគណនេយ្យ និងប្រភពមូលនិធិ

-        កញ្ចប់ការងារជាក់លាក់មានស្រាប់ដែលអ្នកអាចប៉ាន់ស្មាន និងចាត់ចែងការងារបាន

-        កំណត់ទទួលខុសត្រូវច្បាស់លាស់វានឹងទទួលបានលទ្ធផលខ្ពស់

-        សមាជិកក្រុមយល់ឃើញកម្មវិធីគម្រោងមានភាពងាយស្រួលក្នុងការផ្ដល់ការយកចិត្តទុកដាក់ចំពោះទិសដៅគម្រោងរបស់ពួកគេ

-        វាមានភាពងាយស្រួលលើការធ្វើផែនការលំអិតនិងការរៀបចំឯកសារ

3.    ឈ្មោះកម្រិតនៃរចនាសម្ព័ន្ធបំបែកការងារ

-        កម្មវិធីគម្រោង Program

-        គម្រោង Project

-        កិច្ចការគម្រោង Task

-        កិច្ចការបន្ទាប់បន្សំ Subtask

-        បញ្ចប់ការងារ Work Package

-        កម្រិតនៃកិច្ចខិតខំប្រឹងប្រែង​ Level of Effort

4.    ការប្រើប្រាស់ ឬ គោលដៅរបស់រចនាសម្ព័ន្ធបំបែកការងារ (WBS)៖

-        បង្កើនការប៉ាន់ប្រមាណៈ​ ការប៉ាន់ប្រមាណភាគច្រើនមិនមែនពិតប្រាកដនោះទេ

-        រក្សាក្រុមឲ្យផ្ដោតការយកចិត្តទុកដាក់ៈ ធ្វើឲ្យមនុស្សម្នាក់ ត្រូវដឹងខ្លួនថាត្រូវធ្វើអ្វី?

-        ចាត់ចែងការងារទៅតាមធនធាន

-        តាមដានគម្រោង

5.    ដំណើរការគ្រប់គ្រងពេលវេលាមាន៦ គឺ៖

-        ការកំណត់ន័យសកម្មភាព

-        ការកំណត់នៃលំដាប់សកម្មភាព

-        ការប៉ាន់ស្មានធនធានសំរាប់ធ្វើសកម្មភាព

-        ការប៉ាន់ស្មានកំឡុងពេលធ្វើសកម្មភាព

-        ការធ្វើការកំណត់ពេលវេលា

-        ការត្រួតពិនិត្យការកំណត់ពេលវេលា

6.    ការគ្រប់គ្រងទំហំគម្រោង

-        ការធ្វើផែនការទំហំ

-        ការកំណត់ន័យទំហំ

-        បង្កើតរចនាសម្ព័ន្ធបំបែកការងារ

-        ការផ្ទៀងផ្ទាត់ទំហំ

-        ការត្រួតពិនិត្យទំហំ

7.    Gantt Chart ឬ Bar Charts :​ គេប្រើប្រាស់វាសម្រាប់បង្ហាញពីការកំណត់ពេលគម្រោងបាន។​ អ័ក្សដេកចង្អុលពីការកំណត់ពេលគម្រោង ពេលវេលា ចំនែកឯអ័ក្សឈរ ចង្អុលបង្ហាញពីកញ្ចប់ការងារតាមរយៈរចនាសម្ព័ន្ធបំបែកការងារ។

8.    CPM (Critial Path Method) គឺជាបច្ចេកទេសមួយដែលគេប្រើប្រាស់ដើម្បីប៉ានស្មានកំឡុងពេលរបស់គម្រោង។ វាវិភាគថាតើលំដាប់នៃសកម្មភាពណាមួយមានចំនួននៃភាពបត់បែននៃការកំណត់ពេលតិចបំផុត។

9.    PERT (Program Evaluation Review Technique) ការវាយតម្លៃតាមដានគម្រោង និងបច្ចេកទេសវាយតម្លៃ ជាបច្ចេកទេសដែលវិភាគបណ្ដាញការងារដែលណែនាំព្រឹត្តិការណ៍មួយដែលគេប្រើប្រាស់ដើម្បីប៉ាន់កំឡុងពេលកម្មវិធីនៅពេលមានអស្ថិរភាពនៅក្នុងការប៉ាន់ស្មាន កំឡុងពេលយ៉ាងសកម្ម និងដាច់ដោយឡែក។

10. ​ ដ្យាក្រាមបណ្ដាញការងារ គឺជាផែនការសកម្មភាពតាមលំហូរក្រាហ្វិកដែលគេត្រូវតែសម្រេចឲ្យបានដើម្បីបញ្ចប់គម្រោង។ វាបង្ហាញពីលំដាប់នៃជំហ៊ានដែលគេបានគ្រោងទុក តម្រូវការពេលវេលា ការពឹងគ្នាទៅវិញទៅមក និងអន្តរទំនាក់ទំនង។

11. ដ្យាក្រាមព្រួញ ឬសកម្មភាពដ្យាក្រាមព្រួញ គឺជាដ្យាក្រាមបណ្ដាញការងារដែលបង្ហាញពីលំដាប់នៃសកម្មភាពដែលសកម្មភាពនីមួយៗ ត្រូវបានតំណាងដោយសញ្ញាព្រួញមួយរួមជាមួយនិងរង្វង់ដែលតំណាងឲ្យហេតុការណ៍មួយនៅបញ្ចប់នីមួយៗ។

12. សកម្មភាពតាមផែនការ គឺជាដ្យាក្រាមបណ្ដាញការងារដែលបង្ហាញពីលំដាប់នៃកម្មភាពដែលសកម្មភាពនីមួយៗ ត្រូវបានតំណាងដោយ ប្រអប់ ឬរង្វង់មួយ(Node ព្រឹត្តិការណ៍ក្នុងគម្រោងមួយ) ដែលគេដាក់បញ្ចូលជាមួយនិងព្រួញដើម្បីបង្ហាញពីការងារពីមុន។

13. ទំហំ និងអាទិភាព ផ្លាស់ប្ដូរញឹកញាប់ណាស់នៅក្នុងអង្គភាពមួយដែលមិនអាចចំណាយពេលស្វែងរកផ្លូវសំខាន់។ យើងគ្រប់គ្នាមានបញ្ជីនៃបំណងប្រាថ្នាស្ដីពីរឿងដែលយើងចង់ធ្វើដោយខ្លួនឯង ប៉ុន្តែយើងត្រូវទុករឿងរ៉ាវខ្លះចោលសិន ទាល់តែយើងមានពេល និងមានលុយគ្រប់គ្រាន់សិន។

លើសពីនេះទៅទៀត អ្នកគ្រប់គ្រងអាចធ្វើសេចក្ដីសម្រេចចិត្តដោយប្រាប់ឲ្យគេបានដឹងនៅពេលដែលអ្នកអាចប្រាប់ពួកគេបានអំពីផលប៉ះពាល់នៃការផ្លាស់ប្ដូរចំពោះគម្រោង។​ ដូច្នេះ  CPM អាចជាឧបករណ៍ដ៏មានតម្លៃនៅពេលដែលយើងប្រើប្រាស់វាឲ្យបានសមស្រប។

14. បទពិសោធន៍ដែលបានធ្វើកន្លងមក៖ គឺជាសកម្មភាពដែលកំណត់ការបញ្ចប់លទ្ធផលរំពឹងទុក ឬក្រុមសកម្មភាព។ បទពិសោធន៍ដែលបានធ្វើកន្លងមកគ្មានកំឡុងពេលថវិកា ឬតម្រូវការធនធានទេ។

15. WBS គឺជាមូលដ្ឋានគ្រឹះសំរាប់ធ្វើផែនការគម្រោង ហើយមានសារៈសំខាន់យ៉ាងខ្លាំងសម្រាប់ការគ្រប់គ្រងគម្រោង។ WBS មួយបែងចែកសកម្មភាពស្មុគស្មាញរបស់គម្រោងទៅជាសកម្មភាពតូចៗទៀត ដែលសម្រួលដល់ការប៉ាន់ស្មានកំឡុងពេលថវិកា និងការប្រើប្រាស់ធនធានចំពោះសកម្មភាពនីមួយៗ។

WBS គឺជាវិធីសាស្រ្ដបែងចែកការបន្តឲ្យទៅជាចំនួនតូចៗ ដើម្បីជួយឲ្យធ្វើការប៉ាន់ស្មានកំឡុងពេល តម្រូវការធនធាននិងថវិកាបានត្រឹមត្រូវ។

16. ការគណនាតាមពេលវេលា៖​

តាមធម្មតាអ្នកនឹងឲ្យ Computer ធ្វើការគណនាឲ្យអ្នក ដូច្នេះអ្នកអាចឆ្ងល់ថាតើហេតុអ្វី បានជាវាមានការចាំបាច់ត្រូវដឹងពីរបៀបធ្វើវាទៅតាមមេរៀន។ តាមធម្មតាការកំណត់ពេលមានន័យថាការព្យាយាមបន្ស៊ីការងាររវាងពេលវេលាដែលបានកំណត់ពីរ ឲ្យបានទានពេលវេលា។ ក្នុងករណីណាក៏ដោយយើងនៅតែចង់ដឹងថាតើគម្រោងត្រូវចំណាយពេលប៉ុន្មានដើម្បីបញ្ចប់។ បើវាមិនស៊ីគ្នាទៅនឹងពេលវេលាដែលត្រូវការទេនោះ បន្ទាប់មកយើងនឹងធ្វើអ្វីម្យ៉ាងដើម្បីបំព្រួញផ្លូវសំខាន់។

17. ច្បាប់ការងារជាបណ្ដាញ៖

ដើម្បីគណនាពេលវេលាការងារធ្វើគម្រោងមានច្បាប់សកលពីរចំពោះការកំណត់តួនាទីៈ

-        ច្បាប់ទី ១៖ មុនពេលចាប់ផ្ដើមការងារ ការងារទាំងអស់ដែលនៅបន្តត្រូវតែចប់

-        ច្បាប់ទី ២៖ សញ្ញាព្រួញអ្វីដែលគេធ្វើមកពីមុនយ៉ាងសមហេតុផល។ មិនថាសញ្ញាព្រួញវែង ឬទិសដៅនៃជ្រុងរបស់វាសុទ្ធតែមានសារៈសំខាន់។

18. ការគណនាការកំណត់ពេលមូលដ្ឋាន

1)    ES (Early Start): កាលបរិច្ឆេទលឿនបំផុតដែលសកម្មភាពអាចចាប់ផ្ដើមបាន។

2)    LS (Late Start): កាលបរិច្ឆេទយឺតបំផុតដែលសកម្មភាពអាចចាប់ផ្ដើមបាន ហើយនៅតែអាចធ្វើឲ្យគម្រោងចាប់ផ្ដើមបានទាន់ពេលវេលា។

3)    EF (Early Finish): កាលបរិច្ឆេទលឿនបំផុត ដែលសកម្មភាពអាចចប់លឿនបំផុត។

4)    LF (Late Finish): កាលបរិច្ឆេទយឺតបំផុតដែលសកម្មភាពអាចបញ្ចប់ ហើយនៅតែអាចធ្វើឲ្យគម្រោងចាប់ផ្ដើមបានទាន់ពេលវេលា។

5)    DU (Duration): ចំនួននៃអំឡុងពេលធ្វើការងារ(ម៉ោង ថ្ងៃ ឬសប្ដាហ៍) ដែលគេត្រូវការដើម្បីបញ្ចប់នូវសកម្មភាព (មិនរាប់បញ្ចូលនៅថ្ងៃសំរាក ឬពេលទំនេរផ្សេងៗ)។

19. ការគណនាទៅមុខ

គេចាត់ទុកថាជាសកម្មភាពទោល នៅក្នុងបណ្ដាញការងារដូចជាការប្រមូលសំរាមពីសួនឬចំការដែលវាមានពេលវេលា១៥នាទី។ ប៉ាន់ស្មានថាវាចាប់ផ្ដើមនៅម៉ោងសូន្យ វាអាចបញ្ចប់បានយ៉ាងលឿនរយៈពេល១៥នាទីក្រោយមកទៀត។ ដូច្នេះយើងអាចបញ្ចូលលេខ១៥ ទៅក្នុងចន្លោះដែលសរសេរថា EF។ ការចាក់ប្រេងទៅក្នុងម៉ាស៊ីនចាក់ស្មៅហើយការកាត់ស្មៅប្រើពេលត្រឹមតែ ៥នាទី។​ការគិតក្នុងដ្យាក្រាមនិយាយថាកិច្ចការទាំងពីរនេះត្រូវតែបញ្ចប់មុនពេលដែលយើងអាចចាប់ផ្ដើមការកាត់សម្អាតស្មៅ ការកាត់ស្មៅផ្នែកខាងមុខនិងការរៀបចំចិញ្ចើមថ្នល់។ ការសំអាតប្រើពេល ១៥នាទី រីឯសកម្មភាពចាក់សាំងប្រើពេលតែ៥នាទី។

20. ការធ្វើផែនការ គឺជាការឆ្លើយតបទៅនឹងសំណួរមួយចំនួនដូចជាៈ​

-        តើត្រូវធ្វើអ្វីខ្លះ?

-        តើត្រូវចំណាយពេលប៉ុន្មាន?

-        តើត្រូវចំណាយថវិកាប៉ុន្មាន?

ការធ្វើផែនការគឺជារឿងសំខាន់ ជាញឹកញាប់គម្រោងបរាជ័យពីព្រោះគេភ្លេចផ្នែកដ៏សំខាន់នៃការងារ។

21. រចនាសម្ព័ន្ធបំបែកការងារ​ (WBS ) គឺជាដ្យាក្រាមតំណាងឲ្យគ្រប់ដំណាក់កាលគន្លឺះ និងសកម្មភាពពាក់ព័ន្ធរបស់វាទាំងអស់ដែលបានរៀបចំតាមទម្រង់ ឋានានុក្រមបង្ហាញពីកម្រិតនីមួយ​​​ៗ​នៃការកសាង​ផែនការ​។

22. ក្រុមដឹកនាំគម្រោង Project Steering :ជាគណកម្មការគ្រប់គ្រងជាន់ខ្ពស់មួយដែលជាញឹកញាប់មានសមាសភាពមកពីអ្នកផ្ដល់ជំនួយ​របស់​គម្រោង​ដែល​មានអំណាច​កំណត់​អាទិភាព និង​តម្រង់ទិសគម្រោ​ង​​​​ទៅតាមទិសដៅដែលចាំបាច់ដែលបានទទួលនូវគោល​បំណងរួម។

23. វដ្ដជីវិតគម្រោង Project lifecycle គឺជាវិធីសាស្ដ្រ​របស់គម្រោងមួយ​ដែលគម្រោងនោះ​ត្រូវ​បានពិពណ៌ការអនុវត្តតាមបួនដំណាក់កាលចាប់ពីទស្សនាទាន​ រហូតដល់បញ្ចប់គម្រោង។

24. បញ្ហា Issue គឺជាហានិភ័យចំពោះគម្រោង ឬជាព្រឹត្តិការណ៍ដែលមិន​អាច​ទៅ​មុនបាន​ ហើយអាចក្លាយជាការ​ពិត និងតម្រូវឲ្យដោះស្រាយ ប្រសិនបូរណភាពរបស់គម្រោងនិងមិនមានការគំរាមកំហែងទេនោះ។

25. ហានិភ័យ Risk គឺជាព្រឹត្តិការណ៍មួយដែលបានសម្គាល់ថាជាការគំរាមកំហែងប្រកបដោយសក្ដានុពលទៅលើបូរនភាពរបស់គម្រោងប្រសិន​បើវាកើតឡើងជាក់ស្ដែង។

26. Stakeholder(អ្នកពាក់ព័ន្ធ) ជាបុគ្គលដែលមានផលប្រយោជន៍ ឬចំនែកនៅក្នុងគម្រោងនៅពេលណាមួយក្នុងកំឡុងពេលនៃវដ្ដជីវិតរបស់គម្រោងផលប្រយោជន៍អាចជាវិជ្ជមានឬ អវិជ្ជមាន។

27. ធាតុរបស់គម្រោង ៖ ចំណុចដែលអាចបង្កើតបានជាផែនការគម្រោងគឺៈ

1)    ការបញ្ជាក់បញ្ហាៈ ថាតើយើងធ្វើអ្វី

2)    ការបញ្ជាក់បេសកកម្មគម្រោងៈ  គោលដៅគម្រោង ធ្វើរបៀបម៉េច

3)    ទិសដៅគម្រោងៈ 

តម្រូវការងាររបស់គម្រោងរូមមាន បញ្ជីនៃលទ្ធផលរំពឹងទុក និងរបាយការណ៍​។ វាគឺជា​កម្រិត​ដ៏ល្អ​ ការដែលមានលទ្ធ​ផលរំពឹងទុកនៅត្រង់ចំនុច​ជោគជ័យដែលបានធ្វើកន្លងមក ដើម្បីឲ្យមានភាពងាយស្រួលក្នុងការវាស់វែង ការរីកចម្រើន។ (ការវាស់វែង វាយតម្លៃ)

4)    តម្រូវការការងារគម្រោងៈ  អ្វីដែលបានដាក់ចេញត្រូវធ្វើ

5)    លក្ខណៈវិនិច្ឆ័យរកច្រកចេញ

ជោគជ័យដែលបានធ្វើកន្លងមកនីមួយៗ គួរតែបង្កើតលក្ខណៈវិនិច្ឆ័យ ដើម្បីប្រើប្រាស់សំរាប់កំណត់ថា តើដំណាក់កាលការងារពីមុនពិតជាចប់សព្វគ្រប់ហើយ ឬនៅ។ បើសិនជាគ្មានលទ្ធផលរំពឹងទុកនៅក្នុងជោគជ័យដែលបានធ្វើកន្លងមកនោះទេ អីញ្ជឹងលក្ខណៈវិនិច្ឆ័យរកច្រកចេញគឺមានសារៈសំខាន់ណាស់។

6)    ការបញ្ជាក់ចំណុចបញ្ចប់ដែលសម្រេចបានៈ

ត្រូវសម្រេចការធ្វើឯកទេសកម្ម